Vivutio vya Utalii

Tunafurahi kuwahudumia watalii wetu wa ndani na nje ya nchi wanaotembelea vivutio vya utalii tulivyo navyo. Gairo ni miongoni mwa maeneo machache duniani yenye vivutio vingi vya utalii ikiwemo; Safu za milima ya Rubeho na Ukaguri ambayo ni sehemu ya milima inaounda Safu za Milima ya Tao la Mashariki (Earstern Arc Mountain), Magofu ya kale, Alama ya Unyao wa mwanadamu wa kale katika kijiji cha Nguyami, Vyura hadimu duniani waitwao vyura Filimbi, Ndege hadimu duniani aina ya Rubeho warbler na Moreaus sunbirds ambao wanapatikana Gairo pekee (Endemic species), Maporomoko ya maji ya Ukaguru pamoja na mimea mbalimbali katika hifadhi za misitu asilia ya Mamiwa Kaskazini, Ikwamba, Italagwe naHifadhi ya Msitu wa Mipingo (Leshata Vipigo Forest).

Utalii unaofanyika katika eneo letu ni pamoja na utalii wa kupanda milima, utalii wa picha, utalii wa ndege na wanyama wadogowado kama vile Vyura filimbi, Kwale na Kanga wa Rubeho, Kima, Tumbili na Nyani, utalii wa utafiti, utalii wa utamaduni (ngoma, vyakula vya asili, michezo, matambiko, ibada na maziko/mazishi). Ili kupata taarifa za fursa na vivutio vilivyopo bonyeza maneno yaliyoandikwa Utalii wetu Gairo hapo chini.

UTALII WETU GAIRO.pdf

Baadhi ya Picha za Utalii:

Picha ikionesha watalii katika kituo cha ibada kwenye kilele cha Mlima Gairo

Picha ikionesha watalii wakifurahia kivutio cha maporomoko ya maji ya Ukaguru

Picha Ikionyesha ndege hadimu aitwae Mrs Moreaus sunbirds

Picha Ikionyesha ndege hadimu aitwae Rubeho Warbler

Picha ikionyesha chura adimu duniani aitwa Chura filimbi