BI HELLEN DEREVA WA BODABODA MWANAMKE

Posted on: April 8th, 2023

Bi. Hellen, Mwanamke Jasiri na shupavu aliyejichanganya katika kundi la vijana 8 akiwa Mwanamke pekee kati ya vijana7 wakiume.

Bi. Hellen ni Mkazi wa Kata ya Gairo, ameamua kuweka kando AIBU ya maumbile yake na kujikita katika shughuli ya usafirishaji wa abiria na mizigo kwa pipikipiki maarufu bodaboda, bila kujali jinsi yake kutokana na jamii kuamini kuwa kazi ya namna hiyo hufanywa na wanaume pekee.

Tofauti na mtazamo wake Bi. Hellen ameonyesha ujasiri wa hali ya juu na kujiamini kutokana na uwezo wake mkubwa wa kuendesha pikipiki bila hofu huku akiweka mbele maslahi ya ajira hiyo muhimu katika kuhakikisha inampatia kipato cha kujikimu kwa mahitaji mbalimbali ya familia yake.

Mwanadad huyu alijiunga na Kikundi cha waendesha bodaboda za abiri na mizigo cha Halmashauri ya Zamani (Shabiby Complex) na baadaye kujisajili na hatimaye kupata sifa za kupewa mkopo wa pikipiki 8 unaotokana 10% ya mapato ya ndani ya Halmashauri ambao unaelekezwa kwa makundi ya Wanawake, Vijana na Watu wenye Ulemavu.