MADIWANI WATAKIWA KUSIMAMIA UKUSAJI MAPATO, KUFANYA KAZI KWA USHIRIKIANO NA WATENDAJI WA KATA

Posted on: December 8th, 2022

Cosmas Mathias Njingo; 

Gairo, MOROGORO.

Disemba 8.2022.

 Waheshimiwa Madiwani, Wataalam ngazi ya Halmashauri na Watendaji wa Kata na Vijiji, wametakiwa kufanya kazi kwa ushirikiano mkubwa sambamba na kusimamia kikamilifu zoezi la ukusanyaji wa mapato ili kuiwezesha Halmashauri kupata fedha za kujiendesha.

Wahe.Madiwani wakishiriki Kikao cha Baraza la kujadili taarifa za maendeleo  ya Kata kwa kipindi cha Robo ya Kwanza cha Julai Septemba 2022/2023.

Rai hiyo imetolewa na Mwenyekiti wa Halmashauri ya Wilaya ya Gairo, Mhe. Rahel Nyangasi wakati akifungua kikao cha Baraza la Waheshimiwa Madiwani cha kupitia na kujadili taarifa za robo ya Kwanza utekelezaji wa shughuli za maendeleo ya kwa kipindi cha Julai Septemba 2022/2023, kilichofanyika Disemba 8.2022 katika ukumbi wa mikutano wa Halmashauri.

“Kamati ya fedha na Baraza la Madiwani tumekuwa tukitoa maagizo mbalimbali kuhusu usimamizi waukusanyaji mapato, lakini bado hali ya makusanyo siyo nzuri. Bado kunamianya ambayo inavujisha mapato, kadhalika bado kuna uzemba katika usimamizi wa kukusanya mapato. Ipo haja ya sisi sote kwa pamoja kushirikiana ili kuhakikisha tunakusanya mapato”. Alisema Mhe. Nyagasi.

Mwenyekiti Nyangasi akasisitiza kuwa; kuna mapungufu mengi katika ukusanyaji wa mapato kwenye chanzo cha stendi ya mabasi, ambapo magari mengi ya abiria hayafuati utartibu wa kupakia abiria ndani ya stendi na badala yake madereva wanapakia abiria nje ya stendi na maeneo mengine yasiyo rasmi.

“Usimamizi wa ukusanyaji wa mapato kwenye stendi yetu ya mabasi unaudhaifu mkubwa

Sana, hatukusanyi ipasavyo kwani kuna mabasi mengi hayaingii ndani ya stendi kupakia abiria; shughuli za kupakia abiria zinafanyika nje ya stendi kinyume na taratibu zetu za ukusanyaji mapato”. Alibainisha Mwenyekiti Nyangasi.