MRADI WA UJENZI WA GHALA LA KUDHIBITI SUMU KUVU WAKAMILIKA

Posted on: January 16th, 2023

Na. Cosmas Njingo, GAIRO

JANUARI 16.2023

Halmashauri ya Wilaya ya Gairo, imekabidhiwa rasmi ghara la kisasa lenye miundombinu muhimu ya kudhibiti sumukuvu baada ya ujenzi wake kukamilika
Ujenzi huo uliogharimu zaidi ya shilingi bilioni moja, umetekelezwa na Wiraza ya Kilimo, na Umwagiliaji, kupitia mradi wa TANPAC, katika kijiji cha Kimashale kata Chakwale, ambapo unatarajiwa kuleta tija kubwa kwa wakulima wa zao la Mahindi na Karanga ambayo yanatajwa kuwa mazao pekee yanayoathiriwa na kuvu kwa kiwango kikubwa.

Ujenzi huo umehusisha majengo manne likiwepo Jengo la Ghala lenye Uwezo wa kubeba tani za mazao 1,500, Ofisi, Maabara na Kibanda cha Mlinzi.
Miundimbinu mingine ni sehemu ya kuanikia mazao, Kihenge cha kuhifadhia taka, tangi la maji la ujazo wa lita 20,000 na vifaa vya tahadhari kama ving'ora.