PINDA KUFUNGUA MAONESHO YA NANE KANDA YA MASHARIKI 2023

Posted on: July 30th, 2023

Na. Cosmas Mathias Njingo

Agosti 1. 2023.

 Waziri Mkuu Mustaafu Mhe. Mizengo Peter Pinda, anatarajiwa kuwa mgeni rasmi katika ufunguzi wa Maonesho ya Shughuli za Kilimo, Mifugo na Uvuvi maarufu Nanenane Kanda ya Mashariki 2023

yatakayofanyika katika Viwanja vya Julius Nyerere Manispaa ya Morogoro.

Kwa mujibu wa Mwenyeji wa Maonesho hayo Mkuu wa Mkoa wa Maorogoro Mhe. Adam Kighoma Malima, kabla ya ufunguzi huo Mhe. Pinda atatembelea Mabanda mbalimbali kujionea shughuli za Kilimo, Mifugo, Uvuvi pamoja na Teknolojia za kisasa na zenye tija zinazotumika katika Kilimo.

Jumla ya Washiriki 589 wanatarajiwa kuwa sehemu ya maonesho hayo kwa mwaka huu 2023 ikiwa ni ongezeko la asilimia 22 kulinganisha na Washiriki 477 katika Maonesho ya mwaka jana 2022.

Kaulimbiu ya Maonesho "Vijana na Wanawake ni Msingi Imara wa Mifumo Endelevu ya Chakula"