UVCCM WILAYA YA GAIRO WAPONGEZWA KWA HAMASA KUBWA MBIO ZA MWENGE WA UHURU 2024

Posted on: April 26th, 2024

COSMAS MATHIAS NJINGO. GAIRO

APRILI 26. 2024

Kiongozi wa Mbio za Mwenge wa Uhuru Kitaifa Ndg. Godfrey Mnzava, amewapongeza Vijana wa hamasa wa wa Umoja wa Vijana wa Chama Cha Mapinduzi (UVCCM) Wilaya a Gairo kwa kazi kubwa ya kukimbiza mbio za mwenge wa Uhuru mwaka 2024.

Ametoa pongezi hizo ApriIi 22. 2024 alipokuwa akiaga uongozi na Wananachi wa Wilaya ya Gairo tayari kwa safari kuelekea Wilaya ya Kilosa, mara baada ya Mwenge wa Uhuru kuhitimisha mbio zake Wilayani Gairo Aprili 21.2024.

“Ninapenda kuchukua fursa hii kuwapongeza Vijana wenzangu wa hamasa kwa kazi kubwa na nzuri ya kukimbiza mwenge wa Uhuru. Hakika Vijana wa Hamasa wamekuwa na Hamasa kubwa sana ya kizalendo ya kushiriki mbio za Mwenge wa Uhuru. Lakini pia nikupongeze Mhe. Mkuu wa Wilaya na Uongozi Mzima wa Halmashauri kwa maandalizi mazuri ya kuupokea na kukimbiza Mwenge wetu wa Uhuru.

Mnzava alisema Mbio za Mwenge wa Uhuru zinawakilisha Itifaki ya Mhe. Rais wa Jamhuri ya Muungano wa Tanzania na kuongeza kuwa mwenge unapaswa kukimbizwa na siyo kutembezwa huku akifurahishwa na kuona Wananchi walijitokeza kwa wingi kuupokea mwenge wa Uhuru katika Miradi yote ya maendeleo iliyofikiwa na Mwenge huo.

“Kwa kweli niseme kuwa Wananchi wa Wilaya ya Gairo, wametendea haki mbio za Mwenge wa Uhuru mwaka huu kwani tumekutana na hamasa kubwa kwenye miradi yote Wananchi walijitokeza kwa wingi na tumeona hamasa kubwa imefanyika. Nawapongeza sana Viongozi wote wa Wilaya ya Gairo chini ya Mhe. Mkuu wa Wilaya, Viongozi wa Chama cha Mapinduzi, Ofisi ya Mkurugenzi kwa maandalizi mazuri.

Kwa Upande wake Mkuu wa Wilaya ya Gairo Mhe. Jabiri Omari Makame amewashukuru Wakimbiza Mwenge wa Uhuru wote, kwa ushirikiano Mkubwa waliouonesha kipindi chote cha kukimbiza Mwenge ambao ulipita katika miradi mbalimbali ya maendeleo kwa lengo la kujionea shughuli za utekelezaji wa miradi hiyo, kuweka mawe ya msingi, kuzindua na kufungua ili Wananchi wapate huduma.

“Nami kwa niaba ya Viongozi wenzangu pamoja na Wananchi wa Wilaya hii ya Gairo, nipende kukushukuru Wewe Ndugu yangu Comredi Godfrey Mnzava na Wakimbiza Mwenge wa Uhuru wenzano Kitaifa kwa kutupa ushirikiano mkubwa wakati wa shughuli za Mbio wa Mwenge wa Uhuru.

Kaulimbiu ya Mbio za Mwenge wa Uhuru 2024 inasema “Tunza Mazingira na Shiriki Uchaguzi wa Serikali za Mitaa kwa Ujenzi wa Taifa Endelevu”