WATUMISHI WASIOKAA KWENYE VITUO VYAO VYA KAZI KUWAJIBISHWA

Posted on: November 2nd, 2021

Cosmas M. Njingo, GAIRO Morogoro, Nov 2

Baraza la Maalum la Madiwani la taarifa za mendeleo ya Kata Halmashauri ya Wilaya limemuagiza Kaimu Mkurugenzi wa Halmashauri hiyo Bi. Sisan Nyanda kuchukua hatua kali za kinidhamu ikiwepo kuwahamisha vituo vya Kazi Watendaji wa Kata ambao hawakai katika vituo vyao vya kazi hali inayo elezwa kuikosesha Halmashauri mapato

Mwenyekiti wa Halmashauri ya Wilaya hiyo Mhe. Rachel Nyangasi amesema baadhi ya kata hazikusanyi mapato kutokana na Watendaji wake kuto kuwepo katika vituo vya kazi na kuongeza kuwa kufanya hivyo ni kurudisha nyuma maendeleo ya Wananchi.

"Mkurugenzi Barazi hili linakuagiza kuchukua hatua za kinidhamu ikiwepo kuwahamisha vituo watendaji wote ambao wameshindwa kutimiza wajibu na majukumu yao", Aliagiza Mhe. Nyangasi.

Baraza hilo limetoa maamuzi hayo katika kikao cha Robo ya kwanza cha Julai Septemba 2021/2022 cha kupokea taarifa za maendeleo ya Kata kilichofanyika katika ukumbi wa wa mikutano wa Halmashauri.