KIKAO KILICHOITISHWA NA MKUU WA WILAYA YA GAIRO BI. SIRIEL MCHEMBE KILICHOFANYIKA TAREHE 13/11/2020 KATIKA UKUMBI WA HALAMASHAURI YA WILAYA KWA LENGO LA KUTOA MWELEKEO WA WILAYA BAADA YA UCHAGUZI MKUU

Posted on: November 16th, 2020

Kikao hicho kilihusisha Timu ya Ulinzi na Usalama ya Wilaya, Wakuu wa Taasisi zote zilizopokatika Wilaya ya Gairo, Mkurugenzi wa Halmashauri, Wakuu wa Idara na Vitengo wa Halmashauri, Maafisa Tarafa wa Tarafa mbili za Wilaya ya Gairo, Watendaji wa Kata zilizopo katika Mamlaka ya Mji Mdogo Gairo na Wenyeviti wa Vitongoji vya Mamlaka ya Mji Mdogo.

Akifungua kikao hicho, Mh. Mkuu wa Wilaya ya Gairo alianza kwa kutoa pongezi kwa kufanya na kumaliza salama uchaguzi Mkuu wa Madiwani, Wabunge na Rais uliofanyika tarehe 28/10/2020 na kusisitiza kuwa kazi zinatakiwa kuendelea pia mabadiliko ya awamu ya kwanza ya Mh. Rais Dkt. John Pombe Magufuli kuingia awamu ya pili na kuasa kwamba lazima mabadiliko yaendane na kasi ya Mh. Rais.

Aliongeza kwa kusema ni lazima kujipanga upya na kuangalia changamoto na mafanikio ya awamu ya kwanza, aidha alisisitiza mambo yafuatayo:-

• Utekelezaji wa Ilani ya Chama Cha Mapinduzi,
• Kuandaa na kutekeleza mpango kazi wa Wilaya,
• Kushughulikia kero za Wananchi,
• Ukusanyaji wa mapato,
• Utekelezaji wa miradi ya maendeleo,
• Uuzaji wa vitambulisho vya wajasiliamali wadogowadogo,
• Uhamasishaji juu ya Bima ya Afya ya Jamii iliyoboreshwa (iCHF),
• Utolewaji wa mikopo ya Wanawake, Vijana na wenye Ulemavu,
• Hali ya lishe ya Wilaya na
• Urudishaji wa asilimia ishirini (20%) za ukusanyaji mapato.

Mwisho aliwakaribisha wenyeviti wa Vitongoji kutoa pongezi, kero, changamoto na mafanikio toka kwa wananchi, na wakuu wa Taasisi na Mkurugenzi walizipokea changamoto na kero na kuahidi kuzifanyia kazi kadri inavyowezekana.