UKOSEFU WA MAHAKAMA YA WILAYA, CHANGAMOTO KUSHUGHULIKIA KESI ZA ULAWITI, UBAKAJI

Posted on: October 15th, 2022

Na. Cosmas Mathias Njingo

GAIRO, MOROGOR

Oktoba 15.2022

Ukoseefu wa Mahakama yenye uwezo wa kushughulikia kesi za makosa ya Ubakaji na ulawiti kumechangia kupunguza kasi ya kushughulikia mashauri ya vitendo vya ukatili wa kijinsia Wilayani Gairo.

Hii inatokana na umbali mrefu wa kufuata huduma za kimahakama katika Wilaya ya Kilosa zaidi ya Umbali wa Kilometa 130 kutoka Gairo.

Mkuu wa Dawati la Jinsia wa Jeshi la Polisi Wilayani Gairo la Jinsia, Mkaguzi wa Jeshi hilo, Insp. Hope amesema hali ya umaskini imesababisha kesi nyingi kushindwa kuendelea kutokana na Waathirika wa vitendo vya Ulawiti na Ubakaji kushindwa kugharamia gharama za Usafiri na pesa za kujikimu wakati wa kuhudhuria kesi Mahakamani kutokana na uwezo wao wa kipato kuwa mdogo.