Posted on: July 29th, 2023
Na.CosmasMathias Njingo.GAIRO
Viongozi wa ngazi mbalimbali, Watumishi wa Halmashauri, Taasisi za Umma ikiwepo Jeshi la Polisi, na Wananchi Wilayani Gairo wameadhimisha siku ya kumbukizi ya Mashujaa waliopigania ukombozi wa Taifa hili, kwa kushiriki kwenye shughuli za kijamii ikiwepo kufanya usafi kwenye maeneo ya Umma.
Wakazi wa Kata ya Gairo wakiongozwa na Mwenyekiti wa Kitongoji cha Malimbika Mhe. Andrea Sendeha, wamefanya usafi kuzunguka Hospitali ya Wilaya; huku Afisa Mtendaji wa Kata ya Ukwamani Bi. Anneth Mpili akiongoza Wananchi wa Kata hiyo kufanya usafi ikiwepo kuokota taka eneo la Stendi ya Magari ya Abiria.
Wakati hayo yakiendelea maeneo mbalimbali; Walimu nao wameongoza Wanafunzi kushiriki kufanya usafi kuzunguka kwenye maeneo ya shule zao. Moja ya shule zilizoshiriki kwenye maadhimisho ya siku ya Mashujaa ni Shule ya Msingi Lukungu iliyopo kata ya Ukwamani.
Mkurugenzi Mtendaji wa Halmashauri ya Wilaya Gairo-Mtaa wa Malimbika, Kata ya Gairo.
Sanduku la Posta: 40, GAIRO
Simu ya Mezani: +255 787730665
Simu ya Kiganjani: +255 717222572
Barua pepe: ded@gairodc.go.tz, info@gairodc.go.tz
