WILAYA YA GAIRO NA UTAJIRI WA MADINI YA DHAHABU

Posted on: June 11th, 2019

Wachimbaj wa wadogo wa madini waligundua upatikanaji wa madini hayo mwanzoni mwa mwezi Juni, 2019 jambo ambalo lilisababisha wachimbaji wengi kutoka maeneo mbalimbali ya nchi kufurika katika eneo hilo. Baada ya kubainika kuwa zipo shughuli za uchimbaji wa madini aina ya dhahabu katika kijiji cha Kilama Kata ya Iyogwe Wilayani Gairo, Kamati ya ulinzi na Usalama ya Wilaya, Afisa madini Mkazi wa Mkoa wa Morogoro pamoja na Mkurugenzi Mtendaji na Wataalamu kutoka Halmashauri ya Wilaya ya Gairo mnamo tarehe 8 Juni, 2019 walifanya ziara katika eneo hilo ili kuzungumza na wachimbaji hao pamoja na kuweka utaratibu mzuri wa namna uchimbaji unavyoweza kufanyika kwa manufaa ya pande zote.

Katika ziara hiyo, Mheshimiwa Bi. Sirel Mchembe ambaye ndiye Mkuu wa Wilaya aliongoza kikao hicho ambapo waliazimia mambo yafuatayo:-

• Wachimbaji wachague viongozi ambao watashirikiana na Serikali katika kuratibu shughuli zote za uchimbaji.
• Viundwe vikundi ili Serikali iweze kuwasilisha majina yao kwa Afisa Madini Mkazi kwa ajili ya kupatiwa lesseni za uchimbaji.
• Uchanjuaji wa madini hayo ufanyike katika eneo moja lililoteuliwa katika Kijji cha Kilama na wachimaji wote watakaopata madini wawasiliane na Mheshimiwa Mkuu wa Wilaya ili wanunuzi wanaotambulika waweze kuja kununua na serikali kupata stahiki yake.
• Viongozi wa Kata, Kijiji, Mwenyekiti wa Kijiji na Viongozi wa wachimbaji wawasimamie wachimbaji wadogowadogo ili kuhakikisha kuwa wanachimba vyoo mapema  iwezekanavyo pamoja kuhakikisha uwepo wa vibanda vya kutolea huduma za vyakula.
• Uchimbaji usiendelee mpaka pale taratibu za kusajili vikundi na maandalizi ya mazingira rafiki kwa wachimbaji yatakapo kamilika.

Aidha, wachimbaji walielezwa faida ya uchimbaji kama watatumia utaratibu mzuri, wao watanufaika na uchimbaji huo na serikali nayo kutapata mapato