GAIRO SEKONDARI YATEKELEZA AGIZO LA KULIMA BUSTANI ZA MBOGAMBOGA, MATUNDA

Posted on: July 15th, 2024

Msisitizo umekuwa ukitolewa kwa Watendaji wa Kata, Maafisa Elimu Kata, Wakuu wa Shule za Sekondari na Msingi kuhakikisha Shule zote zinatoa chakula cha mchana sambamba na kulima bustani za Mbogamboga na Matunda ili kuwezesha Wanafunzi kupata mlo kamili na Lishe Bora kwa lengo la kujenga afya zao

Shule ya Sekondari Gairo imetekeleza Agizo hilo kwa vitendo kwa kuanzisha bustani ya matunda na mbogamboga

Uongozi wa Shule yà Sekondari Gairo umedhamiria kuhakikisha Wanafunzi wake wanapata Lishe Bora kwa kuwekeza kwenye Kilimo Cha bustani ya Mbogamboga namatunda pamoja na kuwafundisha Wanafunzi wao somo la maarifa ili kuwajengea uwezo wa kuwa na utamaduni wa kutumia vyakula vyenye Lishe itokanayo na makundi 5 ya vyakula..

Pichani aadhi ya Wanafunzi na Mwalimu wao wakiendelea na zoezi la utunzaji wa bustani yao ya Mbogamboga na Matunda kwa kurudishia mbegu katikasehemu ambazo hazikuota, lengo ni kuhakikisha Kilimo hicho kinaleta tija kwa Wanafunzi hao na Walimu.