SHIRIKIANENI NA MAAFISA UGANI WALIOPO KWENYE KATA, VIJIJI

Posted on: August 19th, 2023

Na. Cosmas Mathias Njingo. GAIRO

Agosti 19.2023Mkurugenzi Mtendaji wa Halmashauri ya Wilaya ya Gairo Bi. Sharifa Nabalang'anya; amewaomba Waheshimiwa Madiwani kufanya kazi kwa ushirikiano na Maafisa ugani ngazi za vijiji na Kata ili kuongeza tija ya uzalishaji wa mazao.

Ametoa wito huo katika Kikao cha Baraza la Wahe. Madiwani cha kujadili Taarifa za Robo ya Nne za utekelezaji kwa mwaka wa fedha ulioishawa 2022/2023 kilichofanyika Agosti 11.2023 katika Ukumbi mkubwa wa mikutano wa Halmashauri.

“Niwaombe Wahe. Madiwani mshirikiane na Wataalam wetu wa Ugani waliopo katika Vijiji na Kata zenu, hii itasaidia sana kuimarisha utendaji na kuongeza uwajibikaji hasa katika kuwafikia wakulima kwa na kutatua changamoto zao”. Alisema Bi. Nabalang’anya.

Alisema Wahe. Madiwani wanwajibu mkubwa wa kusimamia wataamba waliopo katika kata zao ili malengo ya serikali yatime, sambamba na kuhakikisha vitendea kazi walivyopewa Maafisa ugani hao ikiwepo pikipiki; zinatumika kwa usahihi ili kuleta tija kwa wakulima katika kuongeza uzalishaji.