ZIARA HOSPITALI YA WILAYA

Posted on: July 14th, 2023

Julai 14.2023

Julai 13.2023 Mkurugenzi wa Halmashauri ya Wilaya ya Gairo Bi. Sharifa Nabalang'anya, amefanya ziara kujionea huduma za Afya katika Wodi ya Wazazi hospitali ya Wilaya ambayo tayari imeanza kufanya kazi.

Nabalang'anya amemshukuru Mhe. Dakta Samia Suluhu Hassan kwa ujenzi wa Hospitali hiyo ambayo imekuwa mkombozi wa changamoto ya upatikanaji wa uhakika wa huduma za Afya kwa Wanawake wanaojifungua; na kwamba kufunguliwa kwa Wodi hiyo ya Wazazi kutapunguza msongamano katika kituo cha Afya Gairo.

Aidha amempongeza Mganga Mkuu Wilaya Dakta. Njile pamoja na Watumishi wa Hospitali hiyo kwa kuendelea kutoa huduma kwa Wananchi bila kujali changamoto mbalimbali zilizopo hospitalini hapo ikiwepo ukosefu wa maji.

Awali Dakta Njile alisema Wodi ya Wazazi katika Hospitali hiyo imewekwa miundombinu muhimu ya kumuwezesha Mjamzito kujifungua katika mazingira mazuri kwani huduma za usapuaji zipo za uhakika katika Wodi hiyo endapo itatokea ulazima wa kufanya upasuaji kuokoa maisha ya mama na mtoto.